第72屆康城影展日前開幕,每到影展都一定係星光熠熠,女星們都會打扮到靚一靚務求要閃爆攝影師嘅閃光燈。而「越南第一美女」越南女星鄧玉貞(Ngoc Trinh)佢所出嘅招夠晒出奇制勝,以近乎全裸透視裝行紅地氈,仔細睇仲會見到3點盡露,套衫吸晴度足,但網民就唔太buy啦,唔少人都話佢套「禮服」十足十情趣內衣。

鄧玉貞一身裝扮唔止中門大開,大騷靚背脊之外,仲只著住C字褲上陣,上身露晒點,而她的裙擺只可以啱啱好覆蓋到前同後方,再加上左右兩邊開叉 更開到上肚。一個轉身就乜都睇晒,搞到大家都唔知話係尷尬好,定係大飽眼福好。

唔少網民都對此感到非常反感,認為她過分裸露,裝扮過於低俗,令人無法認同。30歲嘅鄧玉貞係一名越南女演員兼模特兒,出道時因為個樣似昆凌同Angelababy而人氣急升,靚皮膚更令佢被封為「越南皮膚最好的女人」。