幾多對持續愛到幾多歲?對於愛情,可能好多人都好認真,但認真拍拖都唔代表會拍得耐,兩個人一齊長久需要好多嘢配合。如果可以一齊走到最後嘅情侶,恭喜你哋啊,你哋真係好幸運!不過大多數嘅人都一定會經歷分手呢件事,唔開心就一定有㗎喇,不過歌仔都有得你唱:「曾失戀的都必須戀愛 放下從前一段感情  才能追求將來」要散嘅始終會散,但每個同你分手嘅前度都總會教識你一啲嘢,愛一個上一課,有啲事經歷過分手一定要學識,自己先可以重新出發、重新戀愛。

Image result for 前度 電影

1. 有啲傷害一旦造成就永遠無辦法磨滅

做錯事唔係道歉就有用,有啲傷害係永遠㗎,無論講幾多句對唔住都係無補於事。

Image result for 後來的我們

2. 愛情唔單止得愛一個元素

 愛情愛情,但愛情唔係只得愛一個元素,好多因素可以影響。愛情係複雜嘅學問,天時地利人和都有影響,有時就算大家相愛,都未必一齊到或者行落去。

Image result for love rosie

3. 愛你嘅人唔會離你而去

分手有人會好努力咁挽回,但時間耐咗你就會明白有嘅人選擇離去,你唔應該去追,因為愛你嘅始終如一,離開只係因為唔夠愛你。

Image result for you netflix

4. 唔應該容忍出軌

對方出軌就應該分手,就算你有幾愛都好都唔好拖落去,因為出軌嘅人只會有零次或者無限次,就算俾你哋一齊返,都一定會乸住乸住。記住:愛你嘅人係唔會咁樣傷害你!

Image result for 春嬌 志明

5. 兩個人溝通最緊要

兩個人起埋一齊唔容易,但兩個人始終係好唔同嘅個體,應該講多啲心底話,唔好收收埋埋,應該溝通多啲俾對方知道你點諗。唔好等到忍無可忍先一次過爆發!

Image result for 乾冰 志明

6. 價值觀不合好難走落去

興趣習慣可以改,經歷可以一齊創造,價值觀不合就係死症,無話對與錯,只係你哋兩個唔夾。最好搵個同自己價值觀相近嘅人一齊啦!

Source: Lihkg