宅男宅女係宜家好普遍嘅現象,形容一啲成日匿埋係屋企、唔出門嘅人。而係美國阿拉斯加有一條鎮,簡直將依個理念發揮到極致,全鎮人都住係同一棟大廈入面,令你一住入去,就冇需要出返嚟。

外媒報導,喺美國阿拉斯加「惠蒂爾」小鎮,全鎮加加埋埋都係得200戶人口左右,佢哋全部都住喺一棟叫「Begich Towers」嘅大樓入面,但依座大樓就真係麻雀雖小但五臟俱全。因為一棟樓入面有齊超市、郵局、學校、診所、教堂、洗衣店、市政府、警察局等,最上面兩層仲有埋酒店。加上居民們幾乎都係打「政府工」,平時除咗鏟下雪、維修大樓之外,幾乎冇任何必要離開棟樓。

因為佢哋返工係唔洗出依棟大樓,學生返學都唔洗擔心路途遠而遲到,因為搭個電梯就可以到達課室,就算唔識做功課,半夜去敲老師門就有人解答到。即使想社交、聯絡下朋友,只要去一樓「交誼廳」或者留係電梯度就會做到。

其實依個小鎮全部變晒宅男宅女唔係冇原因,因為惠蒂爾小鎮,只得一條對外道路,而且仲要係火車隧道改建而成,非常狹窄難行。加上喺冬天時,小鎮積雪平均達到6公尺以上,喺咁惡劣嘅天氣底下,住戶都出唔到去,因此就做就依種文化。