一名女子,生前就已經立下遺囑,要求健康愛犬-混種西施Emma陪葬。事件發生喺美國,當地嘅動身團體曾經極力希望救返狗仔,但最後都係無功而回。雖然事件引起極大民憤,但Emma最後都係喺2星期後被人道毀滅並火化。

事件由維珍尼亞州動物組織Chesterfield County Animal Services曝光。中心經理Carrie Jones表示,Emma啱啱到中心時,身體非常健康,所以佢哋一直都試住同遺囑執行者交涉,亦試住為Emma搵新主人,但失敗告終。

美國網民就鬧爆女主人自私、無良又冇人性,亦非常唔尊重生命。而州殯儀聯會(Virginia Funeral Directors Association)嘅主席Larry Spiaggi都話,如果女主人係葬喺公共墓地就係違返州法嘅行為,不過如果女主人係葬喺家族墓地就可以獲得豁免。但獸醫Kenny Lucas強調必須有道德地作出每一個決定。

香港網民就話:「我立遺囑,死後要仇人陪葬得唔得?」並大鬧主人太自私,狗仔生命唔應該係主人嘅附屬品。