一連三日林宥嘉《idol世界巡迴演唱會香港站》圓滿結束,每場都座無虛席,証明佢喺香港有好多粉絲!

出咗道十二年,林宥嘉俾人嘅印象係佢唱親嘅歌都係非常慘情,好多代表作都係啲兵歌,真係會聽到好心痛,所以佢俾網民封佢為「備胎歌王」。《說謊》、《浪費》、《勉強幸福》、《傻子》首首經典,但每首都係非常催淚。所以,有人話,唔開心唔好聽林宥嘉嘅歌,只會越聽越失落!No!林宥嘉絕對係有啲正面嘅歌,以下就介紹幾首俾大家,包大家可以唔開心時都可以聽林宥嘉嘅音樂!

1. 自然醒

歌詞講唔上好正能量,不過一到副歌「一覺~ 睡到自然醒過來 不管這個胡鬧時代到底有多壞」呢段輕鬆嘅音樂,聽完心情都好似好咗!

2. 誘

「像杯酒 太誘惑 琥珀色的安樂窩 搖晃我 好想醉倒在妳懷中」

「Dalalalala darling 好想把妳擁入懷中」

呢兩句歌詞甜到漏喎!

3. Runaway mama

「Runaway runaway runaway義無反顧」

呢首係一首比較輕快嘅作品,聽完想跟住搖擺~

4. 紀念品

「寶貝的 淪為垃圾 我丟棄的 卻被哪個珍惜捧著 捨不得 不如記得」

呢首算係講分手正能量歌!講緊嘅係我哋生命中經過嘅人同事,每一段經歷都係我哋生命嘅財富。即使分手,有啲嘢都有留低嘅必要,紀念過去嘅一個瞬間。

5. 飛

「仍笨拙地飛 不回頭 不害怕 不介意孤單  誰不是獨自去尋找未來  誰不是獨自去學會勇敢  我會記得沿途有多精彩」

呢首講夢想嘅歌,非常有意義!

Source: YouTube