英國演員Tom Hiddleston出身於傳統英國貴族名校Eton College伊頓公學,仲要以優秀嘅成績畢業於劍橋大學。雖然佢曾經試鏡雷神角色失敗,但Loki洛基依個角色反面令佢更加發光發亮,紅透半邊天。

 

Tom Hiddleston一直對人、對Fans都好好,仲試過喺冇辦法用言語溝通到嘅情況下,用手語同Fans溝通,真係Sweet到爆!

 

 

男神唔出聲都勁正之外,出聲就更加嚇大家一驚,Tom Hiddleston由於係伊頓公學畢業,所講嘅英文係RP口音,即所謂嘅「女王英語」,喺英國普遍認為只有受過高水平教育同一定社會背景先有的口音,依個原因令佢之前上BBC RADIO讀圓周率條片,因為「性感嘅聲線」而爆紅。

而講到點解佢對人咁好呢,佢就曾經自白表示因為佢第一份工係餐廳嘅兼職侍應,曾經服務過一啲態度非常差嘅客人,令佢內心好難受。所以佢立志以後成功與否,都會對人友善,唔造成人哋嘅心理負擔。

不過有網民就話Tom Hiddleston成個人都非常完美,但人生最大污點莫過於同Taylor Swift 嘅一段情,因為雖然Taylor Swift紅透半邊天,但喺香港就真係觀眾緣麻麻地 ,令唔少網民都話對當時嘅佢感到反感,成為唯一一點黑歷史。