《24個比利》大家對呢本書都耳熟能祥,至少都知道係講述精神分裂、人格障礙病患者,但你以為一個人入面「住」咗24個人就算多?2019年訪談節目《60 Minutes Australia》,受訪者Jeni Haynes係個「多重人格障礙」患者,佢一個人就已經擁有2500個人格,佢受訪嘅時候形容,自己體內有一整隊軍隊。

Jeni Haynes喺受訪時表示,自己可以分裂出咁多人格係因為自己喺4歲至16呢12年間,多次畀親父Richard Haynes嚴重虐侍和強姦,而且一直求助無門,所以令佢分裂出多重人格去「保護」自己。

 

個人格只有4歲的Symphony表示,喺2500個人格中,其實大部分都係男性的小朋友同年青人,包括8歲的堅強男孩Muscles、還有11歲的Judas。不過係呢2500人入面,並不是所有「人」都有完整的性格,而Jeni Haynes到底會出現邊個人格則係完全取決於8歲的決策者Ricky:「我的工作,就是負責搭那個人的膊頭,然後說『你起來吧』。我討厭派人出去承受傷害。當我以為情況已經很差時,又出現更差的狀況,我又要再派一個人出來,這樣並不有趣。」

不過呢2500人最大共通點就係會全部聽命於Ricky,而且以令「獸父入獄」為目標。Jeni Haynes於是用咗18年修讀心理等範疇,並拎到心理學士、法律及司法碩士以及犯罪學的博士資格。最後喺今年正式起訴自己74歲嘅獸父,Jeni Haynes仲係法庭上以唔同人格去回答問題。獸父將會於晚些時間判刑。