如果你嘅親戚係比較愛慕虛榮嘅性格,到底你會點諗呢?有巴打就喺連登分享,事主嘅表姐月入萬零,可謂社會嘅「低層生態」生物但係就一直都渴望住可以嫁入豪門。佢出糧時就會拎晒啲錢去買嘢以務求自己都似個富家女,所以佢嘅衫褲鞋襪都會用全身名牌去襯返成個look!

點知咁啱就有位人兄追佢,聲稱自己係做冷氣行業,賺緊二百幾萬一年,月入逾20萬,屋企就住私人屋苑。咁靚嘅Package,加上男方日日無微不至咁接女方放工,就緊係好快得米。

 

依位人兄亦令事主嘅表姐願意同佢交往2個月就閃婚,點知嫁咗先發現男方做冷氣根本就搵唔到錢,所以走咗去返一份麵店侍應工,月入2.5萬。睇到依度大家可能以為仲有層私樓揸手?但點知原來層樓亦都係冇佢個名,係男方個媽媽「借」畀佢住,男方仲有成八兄弟姊妹!

 

唔少網民都話笑爆, 話有時貪錢嘅女人係最易呃,就好似楊思x同埋林夏x咁。不過亦有人覺得故事太假,提出唔少疑惑位。