六月九號喺反對修訂《逃犯條例》大遊行嘅日子,過百萬市民上街表達訴求。不過,大部份藝人都盡量避免就事件表態。TVB藝人林秀怡就無懼,喺Instagram限時動態上載一張黑底白字嘅照片,寫住「6‧9」。好快就有人回覆佢呢張相:「6你老母9,舉報你,體你點系TVB穩食,到時做雞去幫你老母買藥」用字相當粗俗,涉及人生攻擊。

不過林秀怡面對呢啲指責,佢無沉默,反而回應得非常大體!佢話: 「其實又唔洗咁激動既,大家都有自己睇法嫁嘛,不過你講到我家人,我又真係覺得你衰咗少少嘅,少少啫,唔多。」

唔少網民大讚佢eq高。

多數藝人都避談政治,好少藝人咁敢言!

早前因為喺《婚姻合伙人》呢套劇同陸永演一對歡喜冤家而成功入屋,留俾大家深刻印象。

Source: [email protected]