2019年6月16日,明明就係父親節,不過好多香港人都著哂黑色衫出到去銅鑼灣、金鐘、中環一帶參與反修例遊行,地鐵逼爆程度前所未見,多站要有人潮管制。本身可以輕輕鬆鬆嘆下冷氣過個悠閒嘅星期日,但有大概二百萬香港人寧願身水身汗,都選擇企到去街頭遊行,為嘅就係要香港政府聽到佢嘅嘅訴求。有唔少網民就影低咗6.16遊行嘅唔同時刻,一齊去睇下!

無論係6.9遊行 、6.12罷工罷課 、6.12遊行,出嚟嘅人嘅訴求都好清晰!

好多人都身體力行,唔止係年輕人㗎!即使係行動不便、視障人士、老人家、細路仔、盡佢能力出到去街頭發聲。

連狗仔都出埋嚟!

遊行人士逼爆唔少行車線。

所以後來要行埋非原定遊行路線。

6.9、6.12有好多市民出嚟,但似乎政府都聽唔到佢哋嘅聲音,甚至將6.12定為暴動,稱示威人士為暴徒,唔少電視畫面見到警察對住手無寸鐵只有遮嘅示威者開槍同用催淚彈軀散,令到好多市民相當憤怒!

2019年6月15號,一名35歲反修例男子喺太古廣場抗議修例墮樓不治。喺6.16 嘅遊行,市民經過太古廣場,都獻上白花,悼念死者。

市民以各種心意,希望死者安息。

有人喺太古廣場外寫生,畫低遊行人士獻花嘅位置。

抗爭未完成,仍然有好多同路人,香港人並唔孤單。

有好多香港人由日頭行到天黑,非常齊心!

有食肆放置飲品喺門外俾遊行人士自取。

近二百萬人逼爆街道,但當有救護員時,就會以摩西分紅海嘅方式讓路。

遊行人士都非常合作,讓路俾巴士。

有唔少遊行人士自發性處理垃圾!

香港係好多人嘅屋企,對好多人嚟講,佢真係好靚,先至會咁奮不顧身守護佢!

市民所爭取嘅仲未爭取到,要繼續努力同團結!

Source: Lihkg