近排,因為政府想推《逃犯條例》,呢兩個禮拜市民以遊行、罷工嘅方式話俾政府知大家嘅訴求,政府都係無聽,引起民憤。呢啲敏感時期,唔少藝人都無表態。李佳芯(Ali)喺微博發咗個帖文:「內心是什麼,所看出的便是什麼。每當遇事不順心,看人不順眼,想想。道路之闊窄多寡,在於心胸。少一點憎惡,多一點愛心,世界也因而漂亮。有時候,扭曲了的不是世界、是人心。」都係一啲抒發情感嘅字眼,不過有唔少大陸網民對號入座,鬧Ali 搞港獨。

不過都有啲大陸網民撐Ali,非常理性。

Ali之後接受媒體訪問時,就話自己問心無愧!佢話會少啲喺微博Post嘢,繼續喺佢其他社交平台抒發自己嘅情感,都唔會覺得有咩問題。

 

Ali琴日(19日)就喺自己嘅Instagram 叫大家登記做選民,話「把票留在自己手」。連馮盈盈都忍唔住話:「我愛Ali!我愛Ali!I love Ali as much as I love Hong Kong.」

有網民就讚Ali 係真女神。

不過亦都有疑似大陸網民留言叫佢少講一啲引起聯想嘅話題。不過,只係登記做選民啫,呢個網民好似過份敏感喎⋯⋯

Ali真係人美心更美!

難怪咁得香港網民歡心!

Source: [email protected]