網上流傳一條一名男子將個阿伯撻落地嘅片段,引起非常之大嘅迴響。如果無情白事將一個阿伯撻落地,咁就絕對唔啱啦!不過因咩解究個男人會將個阿伯撻落地呢?據悉,現場有幾個女仔、黃衫男人同阿伯發生口角,原因係阿伯喺佢哋等買食物時,無啦啦拎出手機,貼近住佢哋影相。片段中可以清楚聽到一開始黃衫男人同阿伯嘅對話。

阿伯:「我郁你㗎!」
黃衫男人:「你咪郁我囉,警察嚟望住,驚咩啫⋯⋯」

好快,阿伯就先出手扯衫。黃衫男人見阿伯真係郁佢,就將佢摔落地,並警告阿伯唔好再掂佢。

阿伯跌咗落地之後,好快有把聲音喺離遠嘅花糟到傳出。

一名四眼男人就話:「你都唔係咁樣打阿伯啦!」

圍觀嘅途人有人話:「你咁樣好蝕底!」

黃衫男人:「佢郁手郁我先,咁我點呀?」

片段中聽到有女仔話個四眼男人根本唔知發生緊咩事。

有途人扶個阿伯去長凳休息,點知阿伯仲非常有精神,從後面諗住再扯黃衫男人件衫。

不過有人喝住阿伯。

其間不停聽到四眼男人大聲喺遠處指罵:「六十幾歲啊,打唔打得死你啊?」「有無廉恥呀?佢點樣唔啱都係阿伯呀!」「就算佢郁有先,佢有無受傷啊?」

然後四眼男人仲過個個人都覺得佢錯,仲問邊個覺得佢錯嘅舉一舉手。片段中可以見到舉手嘅有佢自己、阿伯、同扶阿伯起身嘅男人。

四眼男人仲大聲補多句:「唔係大聲就係你啱㗎,佢幾廿歲啊!」網民睇到好激氣!

有目擊者喺片段中講返事件經過,想大家知道阿伯唔抵幫!

網民都覺得途人嘅指罵好無理。

     

 

 

Source: [email protected] On Ki,Lihkg