黃心穎被爆偷食許志安、背叛男朋友馬國明,全城哄動,鬧爆佢做第三者。「安心事件」後佢全面停工,避風頭避到去美國洛杉磯,不過最近有消息傳出,話佢喊住咁求男朋友馬國明去美國陪自己,咁啱馬國明拍完《降魔的2.0》後會有1個月長假。

▲黃心穎。(圖/翻攝自IG/黃心穎)

根據媒體報導,黃心穎雖然喺美國,但就頻頻打電話、send訊息,而且情緒非常激動,希望對方可以飛去美國陪自己。消息指,馬國明雖然心裡面依舊放唔低黃心穎,但一開始佢堅持唔肯去,認為雙方需要冷靜一段時間,不過最近佢就有啲動搖。

▲黃心穎、馬國明。(圖/翻攝自微博/馬國明)

咁啱馬國明喺6月底忙完,會有1個月長假,不過有消息指佢嘅家人都極力反對呢件事,所以佢他會唔會去美國陪黃心穎仲係未知數。馬國明早前出席活動被問到呢件事,佢拒絕回應,之後被問到媽媽有無催佢另覓對象,佢就話呢啲事要隨緣。

 

唔知馬國明會唔會心軟去搵黃心穎呢?

Image result for 黃心穎